Moska shprehet se tanimë do të fokusohet në atë çfarë e cilëson çlirim të rajonit lindor të Donbasit. Në ditët në vijim pritet që të ketë luftime të ashpra. Forcat ukrainase po përgatiten për ofensivën e parashikuar ruse.
Donbasi përfshin rajonet e Luhanskut dhe Donetskut, të cilat janë kontrolluar kryesisht nga separatistët e mbështetur nga Rusia që nga viti 2014.
NATO parashikon se Moska do të përpiqet të marrë të gjithë Donbasin dhe të krijojë një urë tokësore për në Krimenë e pushtuar.
“Detyra e NATO-s është të sigurojë mbështetje për Ukrainën, dhe ne e bëjmë këtë me pajisje moderne ushtarake, mbështetje financiare, ushtarake dhe gjithashtu mbështetje humanitare. Ne e dimë se ekziston një lidhje shumë e ngushtë midis asaj që ata mund të arrijnë në tryezën e bisedimeve dhe fuqisë në fushën e betejës”, u shpreh Jens Stoltenberg, sekretari i Përgjithshëm i NATO-
Të martën qendra e qytetit të Kramatorsk u godit nga sulmet ruse duke krijuar një krater të madh pranë një shkolle të dëmtuar. Kramatorsk është kursyer deri më tani nga rrënimi që kanë pësuar qytetet e tjera të Ukrainës.
LEXONI GJITHASHTU: