Presidentja e Kosovës, Vjosa Osmani, e cila po qëndron në Shtetet e Bashkuara të Amerikës është takuar me Senatorin republikan, Ted Cruz, ku kanë kanë diskutuar për forcimin e partneritetit ndërmjet Kosovës dhe SHBA-së për adresimin e sfidave të përbashkëta dhe shkëmbimin e ideve për bashkëpunim në fusha të interesit të dyanshëm.

“Forcimi i partneritetit ndërmjet Kosovës dhe SHBA-së, adresimi i sfidave të përbashkëta dhe shkëmbimi i ideve për bashkëpunim në fusha të interesit të dyanshëm ishin në fokus të takimit me Senatorin republikan Ted Cruz”, ka shkruar Vjosa Osmani.

Ajo ka shtuar po ashtu se Shtetet e Bashkuara mbeten një aleat jetik për Kosovën dhe siç ka shkruar ajo “jemi mirënjohës për mbështetjen dhe përkushtimin e Senatorit Cruz ndaj vlerave dhe vizionit tonë të përbashkët”.

LEXONI GJITHASHTU:

• Osmani në Bruksel: Fokusi të jetë në parandalimin e sulmeve të reja
• Vjosa Osmani bisedon me O’Brien dhe Lammy për sulmin në Zubin Potok