9 skuadra nga viti 2024 dhe një tjetër debutuese janë zyrtarisht pjesëmarrëse në botërorin e Formula 3.
AIX Racing, ART Grand Prix, Campos Racing, Hitech Grand Prix, MP Motorsport, PREMA Racing, Rodin Motorsport, Trident dhe Van Amersfoort Racing janë 9 formacionet që pas këtij viti do të garojnë edhe në sezonet 2025, 2026 dhe 2027.
Jenzer Motorsport nuk do të jetë në vijën e nisjes dhe vendin e saj e merr DAMS – skuadër që aktualisht merr pjesë në Formula 2. Ashtu si këtë sezon, cdo skuadër do të ketë 3 makina për një total prej 30 të tillash në pistë.
CEO i Formula 3, Bruno Michel është i kënaqur me nivelin e profesionalizmit dhe ekspertizën e garantuar për përgatitjet më të mira në prag të vitit të ardhshëm.
Ai ka falenderuar Andreas Jenzer dhe stafin e tij në “Jenzer Motorsport” për përkushtimin në Formula 3 që nga dita e parë.
LEXONI GJITHASHTU:
- Formula 1| Notat më të larta në Singapor dhe pas tij
- Maks Vershtapen shpallet kampion i botës për herë të dytë në Formula 1
