FOTO | Bllokimi i rreth 500 mijë eurove në Durrës, Euronews Albania zbulon identitetin e shoferit të arrestuar

Ditën e djeshme autoritetet portuale në Portin e Durrësit bllokuan rreth 500 mijë euro të padeklaruara të cilat ishin fshehur në një kamion tip “Renault”.  

Pas zbulimit të shumës së parave, Policia Kufitare shoqëroi shoferin e kamionit, i cili u mor në pyetje rreth ngjarjes.

Gazetari i Euronews Albania Xhevahri Zhabina ka siguruar procesverbalin e Prokurorisë së Rrethit Gjyqësor të Durrësit si dhe foton e shoferit 56-vjeçar nga Tirana, i identifikuar si Andon Thanasi.

Por, çfarë përmban konkretisht procesverbali dhe cilat ishin prerjet e eurove të bllokuara dje në Portin e Durrësit.

Euronews Albania sjell të plotë shënimet e oficeres së Policisë Gjyqësore, Emiljana Mema e cila nga këqyrja e vendit të ngjarjes konstatoi se në kamion ishin fshehur  498, 850 euro.

Prerjet e eurove të bllokura në Portin e Durrësit

1-Tetëmijë e nëntëqind e shtatëdhjetë e katër kartëmonedha të prerjes 20 euro. 

2-Një mijë e njëqind e shtatëdhjetë e tre kartëmonedha të prerjes 10 euro.

3-Treqind e shtatëdhjetë kartëmonedha të prerjes 5 euro. 

4- Pesë mijë e shtatëqind e njëzet e pesë kartëmonedha të prerjes 50 euro.

5- Një qind e pesëdhjetë kartëmonedha të prerjes 100 euro.

6-Dy kartëmonedha të prerjes 200 euro

7- Një kartëmonedhë e prerjes 500 euro.

Autoritetet shtetërore vijojnë hetimet për të zbuluar destinacionin e parave, të cilat u gjetën të fshehur në shasinë e kamionit. Nga hetimet paraprake dyshohet se shuma e parave është siguruar prej aktivitetit kriminal, por përgjigjen finale për këtë pritet ta japin strukturat e drejtësisë.

Lexoni gjithashtu: 

Policia jep detaje, në portin e Durrësit u kapën gjysmë milioni euro