FOTO | Brenda ‘shtëpisë së ferrit’ ku radikali fetar ngujoi familjen për 6 vite

Euronews Albania ka sjellë pamje ekskluzive të banesës ku 52-vjeçari Gjergji Laçi, ngujoi familjen e tij për plot 6 vite.

Nga pamjet, shihen disa perde dhe batanije në ballkonin e banesës, që mbulonin pamjet për të mos parë jashtë saj.

Ndërkohë, dera në katin e dytë të banesës, ku ishte ngujuar familja, qëndron e mbyllur, pasi bashkëshortja e Laçit dhe dy fëmijët ndodhen në një nga qendrat sociale në kryeqytet.

Në një intervistë ekskluzive për Euronews Albania, i ati dhe motra e Gjergj Laçit kanë mohuar akuzat se ai ka ngujuar akuzat.

Arrestimi i 52-vjeçarit: 

Të dielën Forca e Ndërhyrjes së shpjejtë shpëtuan nga tmerri 6-vjeçar anëtarët e një familje në Tiranë. Gjergji Laçi 52 vjeç i njohur dhe me emrin Gjergj, mbante të ngujuar bashkëshorten dhe fëmijët e tij të mitur për shkak të bindjeve radikale.

Ndërhyrja e antiterrorit dhe policisë u krye në zonën e ‘5 Majit’, atje ku familja jetonte në kushte të vështira ekonomike.

Policia sekuestroi armë të ftohta dhe fishekë, ndërsa krahas ngujimit, kryefamiljari ushtronte dhunë të vazhdueshme ndaj gruas dhe fëmijëve, 15 dhe 17 vjeç. Këta të fundit pasi kishin përfunduar arsimin 9-vjeçar, u ishte ndërprerë vijimi i gjimnazit nga i ati.

52-vjeçari njihet si praktikant i fesë por nga ana tjetër edhe si person që konsumonte alkool.

Laçi është një emër i njohur për policinë pasi në vitin 2013 është arrestuar nga forcat RENEA për shkak se qëllonte në ajër me automatik duke alarmuar banorët e zonës.

LEXONI GJITHASHTU

• Motra e radikalit fetar tregon çfarë i tha kunati i Gjergj Laçit
• Ekskluzive/ Babai i radikalit fetar: Denoncimin për djalin tim e bëri kunati i tij
• “Nusja gënjen”, motra e radikalit fetar që ngujoi familjen mohon akuzat