Foto ekskluzive e makinës së atentatorëve të rivalit të Aldo Bares

Gazetari Eni Ferhati zbuloi në emisionin Now në Euronews Albania foton e përdorur nga atentatorët e Julian Sulos, i njohur si “Juli i Pashakos”, rival i bandës së Aldo Bares, ditën e sotme në qytetin e Lushnjës.

“Ky është automjeti i fiksuar nga kamerat e sigurisë gjatë gjithë itinerarit të ndjekur, është një automjet Nissan me xhama të zinj, dyshohet i vjedhur dhe me targa të falsifikuara dhe të vjedhura. Ka pak gjasa që të përftohen të dhëna të vlefshme për hetimin në automjeti i djegur. Brenda tij janë gjetur 2 armë, një kallash dhe një pistoletë që dyshohet se janë përdorur të dyja në atentat”, tha gazetari Eni Ferhati.

Të shtënat drejt 45-vjeçarit erdhër nga një mjet në lëvizje, brenda të cilit ndodheshin tre persona. Pas marrjes së mjekimit në spital, Julian Sulo është shoqëruar në komisariatin e policisë për të dhënë deklarimin e tij në lidhje me ngjarjen.

45-vjeçari është person me precedent penal për drogë dhe krime kundër personit. Më herët, atij i janë sekuestruar pasuri të dyshuara si të përfituara nga burime të paligjshme.

Makina e autorëve është gjetur e djegur në fshatin Lifaj, dhe brenda saj është gjetur një pistoletë.

LEXONI GJITHASHTU:

• Detaje nga atentati në Lushnjë, plagoset me armë zjarri Juli i Pashakos
• Hera e dytë që plagoset, kush është Juli i Pashakos dhe historiku i tij në Lushnjë