FOTO| Pjesëtar i FSK-së, kush është i arrestuari i 3 për vrasjen e Liridonës

Mes tre të arrestuarve për vrasjen e Liridona Murselit ishte edhe nipi i Naim Murselit, Kushtrim KokAlla i cili është edhe pjesëtar i Forcave të Sigurisë së Kosovës. Ai dyshohet se ka bashkëpunuar në krim me bashkëshortin e viktimës dhe ekzekutorin Granit Plava.

Në pranga është vënë, bashkëshorti i viktimës, Naim Murseli, i cili kishte paguar me 15 mijë euro autorin, Granit Plava që dyshohet se kreu vrasjen, ndërsa i kishte premtuar këtij të fundit edhe 15 mijë euro të tjera.

Vëllai i të arrestuarit të tretë, Kanon Kokalla, ka reaguar lidhur me këtë ngjarje të rëndë duke thënë se “Jemi të shokuar! Ne jemi rritur me Liridonën”, ndërsa ka pretenduar se vëllai i tij, Kushtrimi ka qenë në shtëpi mbrëmjen e ngjarjes.

Ende nuk dihen arsyet që e shtynë Naim Murselin të merrte këtë akt ekstrem e të planifikonte vrasjen e gruas së tij, në sy të fëmijëve.

Fillimisht ngjarja u raportua si grabitje. Ku Naim Murseli pretendoi se disa persona i kanë dalë përpara makinës për t’i grabitur, ndërsa ky i fundit ka marrë dy fëmijët dhe është larguar, ndërsa autorët kanë qëlluar mbi gruan e tij.

LEXONI GJITHASHTU:

• Vrasja e Liridonës/ Reagon kreu i OSBE-së në Kosovë: Rast brutal i femicidit
• Bashkëshorti porositi vrasjen e Liridonës/ Policia: Gjendet pistoleta me 19 fishekë