Vrasja e Liridonës/ Reagon kreu i OSBE-së në Kosovë: Rast brutal i femicidit

Kreu i misionit të OSBE-së në Kosovë, Michael Davenport, ka reaguar pas rastit të vrasjes së Liridona Murselit në Prishtinë.

Ai në lidhje me ngjarjen tha se ndjehet i tmerruar nga “një rast tjetër brutal i femicidit në afërsi të Prishtinës”.

“I tmerruar nga një rast tjetër brutal i femicidit në afërsi të Prishtinës – teksa shënojmë 16 Ditët e Aktivizimit kundër dhunës në familje. Thirrje zgjimi për të gjithë ne – #VeproTani #StopFemicidit”, shkroi Davenport.

Liridona Murseli u vra tri ditë më parë në Prishtinë, ndërsa ditën e djeshme u arrestua bashkëshorti i saj dhe dy persona të tjerë, të cilët dyshohet se organizuan dhe kryen vrasjen e saj.

Bashkëshorti i saj, Naim Murseli,  këshilltar i ish-presidentit të kosovës Behgjet Pacolli, ka pranuar se e ka porositur ai vrasjen e Liridonës e për këtë ka paguar 15 mijë euro, ndërsa i kishte premtuar vrasësit se pas ekzekutimit do i jepte edhe15 mijë euro të tjera.

LEXONI GJITHASHTU:

• “Krim monstruoz”, Presidentja Osmani dënon vrasjen e Liridonës
• 30 mijë euro për vrasjen e Liridona Murselit, arrestohet personi i tretë në Kosovë