Foto| Vranë Gentian Bejtjan e u larguan, gjendet makina e djegur e autorëve

Është gjetur në fshatin Hasan në afërsi të Fushë-Krujës makina e cila dyshohet se është përdorur nga autorët e vrasjes së Gentjan Bejtjas.

Ky i fundit u ekzekutua me breshëri plumbash pasditen e kësaj të premteje në oborrin e shtëpisë së tij.

Burime për Euronews Albania bëjnë me dije se në banesë ka qenë vetëm bashkëshortja e tij pasi fëmijët i ka larguar që prej atentatit të korrikut të viti të shkuar.

“Në vazhdim të veprimeve hetimore, në fshatin Hasan është gjetur një automjet tip “Land Rover”, i bardhë, i djegur, brenda të cilit janë gjetur katër armë zjarri të djegura.

Një grup i posaçëm hetimor, nën drejtimin e Prokurorisë, po vijon veprimet hetimore me qëllim identifikimin dhe kapjen e autorit/ëve”,-thuhet në njoftimin e policisë.

Kujtojmë se vetëm pak muaj më parë (4 korrik 2023) atij iu bë pritë në një atentat ku humbi jetën kunati i tij, Ramazan Sino si dhe iu plagosën dy fëmijët e tij, 13 dhe 8 vjeç.

Gjithashtu në 9 janar të vitit 2022 Gentian Bejtja ish polic burgu, i shpëtoi një atentati me breshëri kallashnikovi, në afërsi të Niklës në Fushë-Krujë, por u plagos në krah miku i tij 31 vjeçar Klodian Stafuka i cili ndodhej me të në makinë gjatë momentit kur ndaluan për të furnizuar makinën në një pikë karburanti.

Ndaj Gentian Bejtjas ka patur edhe dy atentate të tjera, ai u qëllua me armë zjarri së bashku me shtetasin Klodian Stafuka mbrëmjen e 10 Janarit 2022. Ata janë qëlluar teksa lëviznin me makinë pranë shkollës së fshatit Larushk në zonën e Fushë Krujës, ndërsa Bejtja mbeti i plagosur në krah.

Gjithashtu në shtator të vitit 2016, ndaj tij është organizuar një atentat me tritol. Bejtja po udhëtonte me makinën e tij tip “Tuareg”, në fshatin Nikël të Krujës, kur nga poshtë mjetit shpërtheu eksplozivi që e dëmtoi rëndë në këmbë.

LEXONI GJITHASHTU:

• Tentoi të largohej, u qëllua pranë një magazine, detaje nga vrasja e Gentjan Bejtjas
• Vrasja e Gentjan Bejtjas, vjen reagimi i Policisë: Atentati, nga disa persona