Fotografoi fletën e votimit, arrestohet një grua në Tiranë

Pas denoncimit të Koalicionit Euroatlantik, policia ka arrestuar shtetasen Alketa Hasani, e cila fotografoi votën e saj.

Prokuroria e Tiranës njofton pas marrjes së denoncimit, është bërë e mundur identifikimi i zonjës në fjalë dhe është arrestuar për veprën penale “Shkelja e fshehtësisë së votimit”.

Kujtojmë se rasti në fjalë ndodhi në qendrën e votimit 1694 në Tiranë, tek shkolla “Ali Demi. Vëzhguesi i Koalicionit Euroatlantik, Xhaferr Shahu, ka kapur shtetasen në fjalë duke fotografuar votën.

Njoftimi i Prokurorisë:

‘Shkelja e fshehtësisë së votimit’, shtetasja A.H. arrestohet pasi fotografoi votën në qendrën e votimit

Një shtetase u arrestua pas hetimeve të kryera nën drejtimin e Prokurorisë pranë Gjykatës së Shkallës së Parë të Juridiksionit të Përgjithshëm Tiranë, nën akuzë për veprën penale ‘Shkelja e fshehtësisë së votimit’, parashikuar nga neni 327/1 i Kodit Penal.

Kryetari i Komisionit Zonal të Qendrës së Votimit në qendër votimi në Tiranë pasi konstatoi shtetasen A.H. duke fotografuar fletën e votimit denoncoi rastin.

Pas marrjes së njoftimit, menjëherë në vendngjarje është dërguar grupi hetimor dhe u dentifikua shtetasja si dhe administruan aktet përkatëse.

Në përfundim të veprimeve paraprake të kryera, u arrestua shtetasja A.H., e dyshuar si autore e veprës penale të “Shkelja e fshehtësisë së votimit” parashikuar nga neni 327/1 i K.Penal.

LEXONI GJITHASHTU:

• Rama në Kukës: Shqipëria s’mund ta humbasë trenin e historisë për mustaqet e Gjuzit
• U përplas me qytetarët në Vorë, Noka: Janë bandat e Xhabaftëve, punojnë për qeverinë