Fotografuan votën në Rrogozhinë, Celibashi: Rrezikoni 3 vite burg

Kryekomisioneri Ilirjan Celibashi ka komentuar fotografimin e votës në Rrogozhinë që ndërpreu votimin në një nga qendrat.

Ai paralajmëroi qytetarët të mos joshen nga subjektet politike për të bërë veprime pas të cilave do të rrezikonin deri në tre vite burg.

“Fotografimi i votës përbën një shkelje të rëndë të ligjit penal, ka sanksione dënimi që shkojnë deri në 3 vjet. Do të marrim të gjithë informacionin e mundshëm në lidhje me këtë çështje. U bëj thirrje të gjithë votuesve që ti shmangen çdo lloj joshje nga subjektet për tu treguar atyre se për kë kanë votuar. Ata rrezikojnë shumë në këtë rast. Kandidatët të evitojnë deklarimet e tyre me përmbajtje elektorale. Kandidatët nuk kanë asnjë arsye ligjore për të shkuar brenda qendrave të votimit. Aty janë vëzhguesit, është media, janë komisionerët. Votimi familjar gjithashtu përbën shkelje. Ky është një problem, sa të kemi mundësi do ta adresojmë,” – u shpreh Celibashi.

LEXONI GJITHASHTU:

• Pjesëmarrja e votuesve në Rrogozhinë deri në orën 12:00
• U fotografua vota në Rrogozhinë, Nesturi: E drejtë ndërprerja e procesit të votimit