FOTOLAJM/ Policia “blindon” zonën e ish-bllokut për të frenuar protestuesit të shkojnë pranë ish-vilës së Enverit

Protesta e opozitës e paralajmëruar për këtë të diel pritet të shoqërohet me masa të shtuara sigurie nga ana e Policisë së Shtetit, veçanërisht në zonën e ish-Bllokut në Tiranë.

Sipas burimeve, autoritetet kanë ndërmarrë hapa konkretë për të parandaluar afrimin e protestuesve pranë vilës së ish-diktatorit Enver Hoxha, e cila ishte në shënjestër gjatë protestës së kaluar. Në atë tubim, objekti u sulmua me molotovë.

Në këtë kuadër, policia ka vendosur kufizime të qarkullimit dhe prani të shtuar forcash në disa akse kyçe. Një prej pikave kryesore të bllokimit është hyrja nga rruga “Ismail Qemali”, pranë zonës së Kryesisë së Kuvendit, ku pritet të ndalohet kalimi i protestuesve drejt ish-Bllokut.