Franca përgatit strehim për 10 mijë refugjatë ukrainas

Franca po përgatit strehim për 10 mijë refugjatët e parë nga Ukraina, tha zëdhënësi i qeverisë franceze Gabriel Attal.

Këshilli kombëtar francez i mbrojtjes ka aktivizuar një njësi për të përgatitur dhe koordinuar ardhjen e refugjatëve ukrainas në Francë, shtoi ai.

Të martën, ministrja franceze e nënshtetësisë Marlene Schiappa tha se 5 mijë ukrainas kanë mbërritur tashmë në Francë. Është krijuar një faqe interneti për francezët që të dalin vullnetarë për të pritur familjet ukrainase që ikin nga lufta.

“Sot, asgjë nuk tregon një fund të shpejtë të kësaj lufte tragjike. Bombardimet dhe manovrat ushtarake ruse mund të forcohen shumë lehtë në ditët dhe javët në vijim”, tha Attal. “Shqetësimi ynë është padyshim në nivelet e tij më të larta.”