FSK paradë për 25-vjetorin e Çlirimit, prezantohen armatimet e reja

Në sheshin qëndror të Prishtinës, u mbajt këtë të mërkurë ceremonia e parakalimit të Forcave të Sigurisë së Kosovës, në nderim të 25-vjetorit të Çlirimit të vendit.

Në ceremoni morën pjesë krerët më të lartë të shtetit nga Shqipëria dhe Kosova.

Komandantja Supreme e FSK, presidentja Vjosa Osmani, në fjalën e saj shprehu nderimet e larta për UÇK-në dhe luftën për liri.

“Në këtë luftë, UÇK ishte shtylla jonë më e rëndësishme e shpresës. Lufta e tyre nuk ishte vetëm për tokën por për vet shpirtin e Kosovës. Guximi i UÇK është një histori heroizmi që do të tregohet brez pas brezi. Ne u detyrohemi atyre me një mirënjohje”, tha ajo.

Kryeministri Kurti në fjalën e tij e vuri theksin tek modernizimi i Forcave të Armatosura të Kosovës.

“Ushtria e Kosovës kurrë nuk ka qenë më e madhe se sot dhe më e armatosur dhe e pajisur. Asnjëherë nuk ka qenë më e stërvitur, e stërvitur dhe edukuar në akademitë më prestigjioze ushtarake të ushtrive mike perëndimore. Por asnjëherë nuk ka qenë më e fuqishme dhe e gatshme për të mbrojtur tonën. territorin dhe sovranitetin dhe jetën tonë, sepse ky është misioni i saj, ta mbrojë Kosovën dhe të zhvillojë e avancojë përkrah aleatëve tanë”, tha Kurti.

Në paradën e FSK u paraqit armatimi i ri i blerë nga ushtria e Kosovës.

Në ceremoni ishin të pranishëm edhe miq të Kosovës, si William Walker, George Robertson, Stipe Mesiç.

LEXONI GJITHASHTU:

• 25-vjetori i Çlirimit, Kurti: BE, familja e synuar politike! NATO destinacioni ynë
• 25-vjetori i Çlirimit të Kosovës, Bill Clinton shpërndan videon pas sulmit të NATO-s