‘Fund hegjemonisë së Perëndimit’, Putin: Bota ka nevojë për sistem multipolar

Pak ose aspak referencë për Ukrainën dhe shumë kritika për Perëndimin karakterizuan fjalimin e Vladimir Putin në forumin BRICS.

Presidenti rus bëri thirrje për një bashkëpunim më të madh mes ekonomive në zhvillim, si mënyrë për të dalë nga kriza ekonomike globale.

“Vetëm përmes një bashkëpunimi të ndershëm dhe me përfitim reciprok mund të gjejmë rrugën për të dalë nga kriza që ka përfshirë ekonominë botërore, si pasojë e veprimeve të sëmura dhe egoiste të disa vendeve”, tha Vladimir Putin, president i Rusisë.

Por përtej bashkëpunimit, synimi i Putin mbetet ndryshimi i rendit botëror dhe zhbërja e hegjemonisë së Perëndimit.

“Jemi të bindur se tani, më shumë se kurrë, lidershipi i vendeve të BRICS-it nevojitet për të zhvilluar një kurs unifikues dhe pozitiv drejt formimit të një sistemi multipolar të marrëdhënieve ndër-qeveritare”, u shpreh Putin.

Me përfshirjen e Brazilit, Rusisë, Indisë, Kinës dhe Afrikës së Jugut, grupi BRICS bën së bashku vendet kryesore me ekonomitë në zhvillim. Prej tyre, vetëm Brazili ka vendosur sanksione ndaj Moskës për agresionin ndaj Ukrainës.

LEXONI GJITHASHTU:

• ‘Mos negocioni me Putin, është bandit’, ish-oligarku rus paralajmëron Evropën
• Scholz: Putin ka frikë se demokracia do të përhapet në Rusi