Furgoni me ndihma, kandidati i PS: S’ka lidhje me zgjedhjet, ja ku po i çonte djali

Kandidati i koalicionit, “Bashkë Fitojmë” për bashkinë Has, Miftar Dauti, denoncoi ditën e djeshme dy djemtë e kandidatët e PS-së, Halit Mulaj, të cilët sipas tij po shpërndanin ndihma me furgonin personal për të siguruar vota.

I ftuar në Euronews Albania, kandidati i PS-së, mohoi lajmin dhe tha se furgoni me ndihma po shkonte drejt magazinës së Bashkisë për t’u shpërndarë më pas për familjet në nevojë për natën e Kadrit.

Mulaj i cilësoi si tymnajë akuzat e bëra nga opozita dhe tha se ky rast nuk ka kurrësesi të bëjë me blerje votash.

“Është e vërtetë që furgoni i djalit tim është gjetur te magazina e bashkisë.

Por fakti që djali im është gjetur aty nuk është kjo pjesa që e akuzojnë se është kapur në vendngjarje. Unë nuk e di çfarë vendngjarje është ajo?! Mbrëmë ka qenë Nata e Kadrit dhe ato ndihma që po ngarkoheshin në furgonin e djalit tim kanë qenë për të marrë ato ndihma dhe për t’i çuar te magazina e bashkisë. Personi përgjegjës në bashki ka një listë me familjet në nevojë të cilave u jepen ndihma për Natën e Kadrit, siç bëhet çdo vit. Është një gjë që mua më vjen zor për zhurmën që po bëhet për asgjë. Është një tymnaje që gjoja po bëhet një skandal për blerje votash. Furgoni i djalit tim nuk është ndaluar në rrugë nga ky zotëria, është parkuar vetë në qyetet”, tha ai.

LEXONI GJITHASHTU:

• Kanidati i Hasit ndalon furgonin: PS po shpërndan ndihma për votën
• Denoncoi blerje votash në Has-Dauti: Nuk justifikohen, nata e Kadrit kishte mbaruar
• Berisha prezanton kandidatin e “Bashkë Fitojmë” për Hasin