Berisha prezanton kandidatin e “Bashkë Fitojmë” për Hasin

Sali Berisha ka prezantuar kandidatin për kryebashkiak të Hasit nga koalicioni “Bashkë Fitojmë”.

Bëhet fjalë për Miftar Dautin, për të cilin, Berisha ftoi qytetarët të votojnë.

“Kandidati i fitores, qytetarin e parë të Hasit, me krenari të veçantë dhe bindje se në 32 vite kjo paraqitje është më dinjitoze, sepse paraqitet sot si kandidat i vullnetit tuaj. Me Primaret ne u ndamë përfundimisht nga një formë e vjetër përfaqësimi. Ne besojmë se vetëm njeriu i lirë është i aftë të transformojë, ndaj mbetemi të vendosur në linjën tonë.

Gjithashtu kam bindje se me Dautin ju zgjidhni dhe votoni njëri prej bijve tuaj që mishëron virtytet tuaja më të arrira.14 është një ditë që ndanë historinë për Hasin dhe Shqipërinë. Në 14 maj ne jemi në një mision të madh, identik me atë që ishim në vitin 1992, për t’u ndarë nga monizmi i dytë. Regjimi më i keq që shqiptarët kanë njohur pas Enver Hoxhës në historinë  tyre,” – deklaroi Berisha.

LEXONI GJITHASHTU:

• Rama-Berisha “përplasen” me podkaste| Beteja jo më vetëm në parlament
• Berisha prezanton kandidatin e primareve në Tropojë: Mirënjohje malësorëve