Futbollisti 15-vjeçar i Teutës firmos kontratën 3-vjeçare me klubin italian

Talenti 15-vjeçar Klevis Hoxha, i lindur më 21 nëntor 2009, ka zyrtarizuar kalimin e tij te skuadra italiane e Cittadella-s. Mbrojtësi i djathtë, që lozte me Teutën në kampionatin e moshave në Shqipëri, ka firmosur një kontratë trevjeçare me klubin profesionist italian.

Hoxha, i cili luan si mbrojtës krahu me aftësi si në fazën mbrojtëse, ashtu edhe në atë sulmuese, nuk është përfshirë në grumbullimet e fundit të Kombëtares U16 të Shqipërisë, por ka tërhequr vëmendjen e ekspertëve italianë, të cilët ndoqën paraqitjet e tij me klubin durrsak.

Me këtë lëvizje, 15-vjeçari bëhet një nga futbollistët e rinj shqiptarë që provojnë veten në futbollin profesionist italian.

LEXONI GJITHASHTU:

• Milani i mahnitur nga Ardon Jashari, i ofrojnë 27 mln euro Club Brugge
• Tare nis “spastrimin” te Milani, 9 lojtarë drejt largimit