Mesfushori i njohur kosovar, Granit Xhaka, ka njoftuar me gëzim ardhjen në jetë të vajzës së tij të tretë.
Lajmi u bë i ditur nga vetë Xhaka, i cili zbuloi se emri i vogëlushes do të jetë Neyana.
Në një postim të tij në rrjetet sociale, Xhaka shkroi: “Neyana Xhaka. 17.03.2025. Zemrat tona janë më plotë se kurrë.”
Ky moment i lumtur për familjen Xhaka është shoqëruar me një emocion të thellë, pas një periudhe të bukur pritjeje.
Në një tjetër postim më herët, mesfushori 32-vjeçar kishte njoftuar se po priste të bëhej baba për herë të tretë, gjatë ndeshjes mes Leverkusen dhe Heidenheim më 23 nëntor.
Pas shënimit të një goli, Xhaka e zgjodhi atë moment për të njoftuar fansat dhe pasionantët e futbollit për këtë ngjarje të veçantë në jetën e tij, duke vendosur topin poshtë barkut dhe duke iu drejtuar kamerës me një festim simbolik.
Granit Xhaka dhe bashkëshortja e tij, Leonita, tashmë janë prindër të tre fëmijëve, një tjetër gëzim që ka pasuruar familjen e tyre.
Çifti ka ndarë këtë moment të rëndësishëm me fansat dhe të dashuruarit e futbollit, duke shfaqur gëzimin e tyre për shtimin e një anëtari të ri në familjen e tyre.
View this post on Instagram
LEXONI GJITHASHTU:
Xhaka u nominua për Topin e Artë, babai i futbollistit bën postimin emocionues
Xhaka, ”heroi” i Leverkusen, PSG e Manchester United shpallen fitues