Gajda “godet” drejtoreshën e PAK: Kontrolli i KLSH me certifikatë, s’vlejnë reagimet

Komisioneri për mbrojtjen nga diskriminimi, Robert Gajda tha për “Review” në Euronews Albania se Kontrolli i Lartë i Shtetit ka certifikuar parregullsitë në ushqime në qendrën për persona me aftësi të kufizuara në Vlorë.

Sipas tij reagimi i drejtoreshës së PAK pas kësaj situate, nuk është i vlefshëm.

“Nuk po flasim në dyshim, mund të flasim në dyshim sa i përket aspektit penal dhe ashtu duhet të jetë, por sa i përket situatës kemi një certifikim. Ajo që shoh unë paraprakisht është se kemi një problematikë të madhe në Shqipëri. Kanë munguar aspektet monitoruese të shërbimeve. Raporti është vlerësim performance i institucionit, pra nuk hyn në punën e natyrshme të KLSH-së që merret më shumë me aspektin financiar të institucionit,” – u shpreh Gajda, ndërsa shtoi se KLSH ka bërë një detyrë të institucioneve të tjera.

Sipas tij një nga institucionet që ka përgjegjësi të drejtpërdrejtë është AKU-ja.

LEXONI GJITHASHTU:

• Ushqime të skaduara, reagon për herë të parë drejtoresha e qendrës PAK
• Inflacioni në mars: Bien çmimet e energjisë, ushqimet mbeten të shtrenjta