Klubi turk i futbollit, Galatasaray, ka njoftuar se do të nisë një “procedurë penale” kundër trajnerit të Fenerbahçes, Jose Mourinho, për shkak të komenteve të tij pas një ndeshjeje të barabartë 0-0 mes dy klubeve në ligën turke.

Galatasaray sulmoi Mourinhon pas intervistës që ai dha, ku kritikonin gjyqtarët dhe stafin e Galatasaray.

Pas ndeshjes, Mourinho tha se ishte i kënaqur me vendimin për të sjellë një gjyqtar të huaj dhe lavdëroi arbitrin slloven, Slavko Vinçiç, për performancën e tij të shkëlqyer.

Megjithatë, ai ka bërë komente të papëlqyeshme për gjyqtarët turq. Gjatë një konference për shtyp, Mourinho tha se, pas ndeshjes, kishte dashur të shkonte të falënderonte Vinçiçin, por kur pa një gjyqtar turk, ai komentoi:

“Nëse ai do të ishte gjyqtar, do të ishte një fatkeqësi”. Ai shtoi se një gjyqtar turk do ta kishte ndëshkuar me karton të verdhë një lojtar për “zhytje të madhe dhe për sjelljen e stolit që kërcente si majmunët”.

Në reagimin e tij, Galatasaray shpalli se do të paraqesë një ankesë edhe pranë FIFA-s dhe UEFA-s, duke akuzuar Mourinhon për “deklarata nënçmuese” ndaj popullit turk dhe duke kërkuar një ndëshkim për të.

Në anën tjetër, klubi i Fenerbahçes hodhi poshtë akuzat, duke thënë se komentet e Mourinhos nuk ishin raciste, por se ai po përshkruante vetëm reagimin e tepruar të stafit teknik të Galatasaray gjatë ndeshjes.

Fenerbahçe e konsideroi këtë një keqkuptim të qëllimshëm dhe shpifje dhe njoftoi se do të ndërmerrte veprime ligjore kundër akuzës.

Mourinho, që ka pasur një histori të tensioneve me gjyqtarët dhe ligat, u ndalua dhe u gjobit më herët gjatë sezonit për kritika ndaj zyrtarëve të futbollit turk.

Ai u transferua në Turqi vitin e kaluar nga Roma, pas një karriere të gjatë dhe të suksesshme në klube të mëdha si Chelsea, Manchester United, Real Madrid dhe Inter Milan.

Në muajin nëntor, Mourinho u ndalua nga një ndeshje dhe u gjobit për deklaratat e tij kundër futbollit turk, ku ai akuzoi se po luftonte kundër një “sistemi” të prirur ndaj favorizimit të ekipeve të tjera.

LEXONI GJITHASHTU:

• Ikën Veselinoviç, Vangjel Zguro tregon prapaskenat me ish-trajnerin e Partizanit
• Mesut Ozil i futet politikës në Turqi, merr postin në partinë e Erdogan