Gara për Tiranën, Meta: Do të ketë mbështetje të plotë, të shpëtojmë nga tirania

Kryetari i Partisë së Lirisë Ilir Meta komentoi 3 aspirantët për kryetar bashkie në kryeqytet që do të marrin pjesë në primaret e Partisë Demokratike.

Meta tha se Belind Këlliçi, Gert Bogdani dhe Ilir Alimehmeti do të marrin mbështetje të plotë nga partia e tij me qëllim që të shpëtojnë Tiranën nga Erion Veliaj.

“Emrat janë njëri më i mirë se tjetri, procesi është një hap shumë pozitiv. I ftojë të gjithë kandidatë të shpalosin platformën e tyre, për rivendosjen e llogaridhënies në Bashkinë e Tiranës që është bashkia më e madhe, ku të gjithë qytetarët e vendit janë të lidhur në mënyrë të drejtpërdrejt apo indirekte.

Në mbështesim procesin dhe jam i sigurt se në fund fare cilido nga kandidatët që do të fitojë do të gëzojë përkrahjen edhe të kolegëve me qëllimin e përbashkët që Tirana t’u ik nga duart tiranëve. 12 nëntori që të gjithë qytetarët të dalin dhe të kërkojnë fjalën e tyre, të kërkojnë llogari për këtë shkatërrim të ekonomisë familjare në vend. Është koha që t’i jepet fund këtij regjimi gjobëvënës ndaj shqiptarëve të ndershëm.”- tha Meta.

LEXONI GJITHASHTU: 

• Paratë e Berlinit, Shqipëria e fundit për tërheqjen e financimeve për investime
• Shtyhet vendimi i Apelit për PD