“Gati për çmim”, flet Marigona Qerkezi, sopranoja që po na bënë krenarë kudo

Marigona Qerkezi, sopranoja shqiptare e cila po na bën krenare në arenën ndërkombëtare ishte këtë të premte e ftuar në Euronews Albania për të folur rreth International Opera Awards, ku ajo pritet të vlerësohet me një çmim.

Ajo tregoi se ka nisur të merret me muzikë që në moshën 6-vjeçare, në Lubljana e ndërsa tani pret që të vlerësohet m e një nga çmimet më të rëndësishme të muzikës operistike.

“Jam zgjedhur në listën e ngushtë të konkurrentëve nga e mbarë bota për çmimin këngëtari i ri më i mirë në International Opera Aëard”,-tha Marigona.

Gjithashtu ajo ka folur edhe për jetën e saj si një shqiptare nga Kosova e cila edhe pse e lindur në Zagreb dhe e rritur në Lubljana të Sllovenisë nuk është shkëputur kurrë nga rrënjët e saj.

“Kam interpretuar në Teatrin e Operas në “Dasmën e Figaros”, kam qenë pjesëmarrëse dhe fituese e festivalit Marie Kraja, kam pasur një koncert për Radio Televizionin Shqiptar dhe së fundmi kam pasur një koncert autorial, ku interpretova edhe si flautiste edhe si soprano”,-tha Marigona Qekrezi.

LEXONI GJITHASHTU:

• Ekskluzive/ Raketat fluturojnë mbi ekipin e Euronews, strehohen në dhomat e sigurisë
• Blinken takohet me Presidentin e Autoritetit Palestinez, Mahmoud Abbas