Ministria e Shëndetësisë dhe Mbrojtjes Sociale ka tashme gati strategjinë mbi bazë të së cilës do të orientojnë politikat sociale deri në vitin 2030.
Në një intervistë për Euronews Albania, zv.ministria Denada Seferi thotë se ky dokument ka disa prioritet, por së pari synohet që të thyhet cikli i varfërisë për familjet shqiptare.
“Parashikohet që më së fundmi të thyet cikli i varfërisë së atyre familjeve të varfra që janë pjesë e skemës së ndihmës ekonomike. Këtë do të mund ta bëjmë nëpërmjet disa drejtimeve kryesore”,-tha zv.ministrja Denada Seferi.
Strategjia mundëson ngritjen e disa programeve të dedikuara punësimi.
Zgjerimi i shërbimeve sociale, si dhe shtimi i shërbime të specializuar është po ashtu pjesë e kësaj strategjie.
Njësitë e lëvizshme do të jenë ata që do ngrenë rrjetin e punonjësve social që do të shkojnë në shtëpitë e personave që kanë nevojë. Ndërsa strategjia, parashikon edhe përfshirjen e të rinjve në mënyrë vullnetare.
LEXONI GJITHASHTU:
- Tabaku: Marrëveshja e pensioneve me Italinë, pozitive! Por dramatike në Shqipëri…
- Rezoluta për Srebrenicën, deputeti i VV: Serbia është shtet gjenocidal
