Rezoluta për Srebrenicën, deputeti i VV: Serbia është shtet gjenocidal

Deputeti i Vetëvendosjes, Dimal Basha, e ka quajtur qeverisjen e presidentit serb, Aleksandar Vuçiç, si një “sekt”. Kjo deklaratë vjen pas vendimit të OKB-së për të shënuar 11 korrikun si Dita Ndërkombëtare e Përkujtimit të Viktimave të Genocidit të Srebrenicës.

Basha ka rikujtuar lidhjen e Vuçiçit me ish-presidentin serb, Slobodan Miloševiqin dhe politikat e tij 30 vjet më vonë.

“Vucic në kohën kur Serbia ka kryer genocidin në Bosnje dhe Kosovë ka qenë ministër i propagandës së Miloseviçit. Pra ky ka qenë përgjegjës për propagandëm që ka bërëMiloseviçi. Fatkeqësia është që po flasim që nga viti ‘94, pra 30 viet pas, ku në vend që Serbia të kërkojë falje siç e kanë bërë shtetet perëndimore ku sot shkojnë përulën para viktimave dhe dhimbjen që u kanë shkaktuar popujve, ky pjestar i asaj qeverie kriminale vazhdon duke mos kërkuar falje por për më tepër refuzon, jeton në rëfuzim, të një akti barbar që ka bërë ndaj në popujve civilë që ka ishin në Jugosllavi.”

Basha e vlerëson vendimin e OKB-së për gjenocidin në Srebrenicë si një hap të mirë, megjithëse të vonuar. Sipas tij ky vendim rikujton dhe një herë që Serbia është një shtet gjenoidal.

“Mendoj veprimi është i vonuar, por është një veprim shumë i mirë që tregon se Serbia është një shtet gjenocidal e fatkeqsisht ka 30 vite, por pushteti atje nuk ka ndryshuar. Pra po flasim që ka në pushtet të njëjtit njerëz që kanë qenë në krahun e Miloseviçit” përfundoi ai.

LEXONI GJITHASHTU:

• Miratimi i rezolutës për gjenocidin në Srebrenicë, ja vendet që votuan kundër në OKB
• Me 84 vota pro, OKB miraton rezolutën për gjenocidin e Srebrenicës