Gazetari Biçaku: Vis Martinaj të hetohet nga SPAK

Gazetari Dashamir Biçaku u shpreh në një intervistë për Euronews Albania se zhdukja e Ervis Martinajt është një çështje që duhet të hetohet nga SPAK.

Ai u shpreh se Prokuroria e Laçit nuk mund të hetonte një person të tillë edhe për shkak të mungesës së kapaciteteve.

“Prokuroria e Laçit nuk mund të hetonte një njeri të tillë. Përgjegjësinë për hetimin e ka prokuroria. Hetimi duhet të transferohej në SPAK. Policia ka nevojë të ruajë një lloj sekreti në lidhje me mbledhjen e informacioneve, të dhënave dhe provave që të çojnë drejt indentifikimit të saktë të vendndodhjes së Martinajt apo për zbardhjen e fatit të tij”, u shpreh gazetari.

Ervis Martinaj, i njohur si ‘mbreti’ i lojërave të fatit, është zhdukur prej më shumë se 40 ditësh.

Zhdukja e tij ka vënë në lëvizje jo vetëm institucionet e drejtësisë, por edhe politikën.

Kryeministri Edi Rama ka deklaruar se shumë shpejt do kemi një përgjigje për fatin e tij. Ndërsa kreu i Partisë Demokratike, Sali Berisha tha para gazetarëve se Rama e di ku ndodhet ‘mbreti’ i lojërave të fatit’ dhe akuzoi Prokurorinë se nuk po vepron.

LEXONI GJITHASHTU:

• Zhdukja e Ervis Martinajt, drejtori i Policisë Vlorë: Do mbështesim çdo aksion
• Ish-drejtuesi i policisë: Kush po i nxjerr fotot e Ervis Martinajt