Hetimi i Gërdecit si tragjedi ka marrë fund, po hetohen procedurat e ‘Berishës’

Gazetari Poli Hoxha tha në një intervistë për Euronews Albania se hetimi i Gërdecit si tragjedi ka marrë fund dhe se tani po hetohen procedurat e ndjekura nga qeveria Berisha.

“Kjo është rihapur pas një denoncimi për zotin Mediu të zonjës Durda dhe kjo ka vazhduar dhe tani po hetohet si aferë shtetërore,” – u shpreh Hoxha.

Sipas tij edhe në këtë çështje që është rihapur për hetim shtrihet zinxhiri i qeverisë.

“Zoti Bumçi atëherë kishte një rol, duhet të jepte një pranim për ministrinë e Mbrojtjes. Çështja e firmës për mua ka pak rëndësi. Po të jetë e vërtetë është bërë në formën e një servilizmi, siç ndodh zakonisht,” – u shpreh gazetari.

Shkresa e dërguar Shkëlzen Berishës, sipas Hoxhës, mund të jetë e falsifikuar, ama Bumçi nuk është futur në SPAK vetëm për çështjen e firmës. Gazetari tha se ai është pyetur për shumë çështje të tjera nga sa u tregoi gazetarëve që e prisnin jashtë godinës.

LEXONI GJITHASHTU:

• Bumçi në SPAK për Gërdecin: Shkresa për Shkëlzen Berishën e falsifikuar
• Aldo Bumçi paraqitet në SPAK për çështjen e Gërdecit