Gazetari Artan Kutra raportoi nga Franca sa i takon protestave që kanë paralizuar vendin pas vrasjes së një adoleshenti nga policia.

Sipas tij situata është qetësuar në krahasim me ditët e para, ndërsa solli në vëmendje vdekjen e një zjarrfikësi në një qytezë të Francës, ngjarje e cila pritet të vërtetohet nga hetimet nëse ka lidhje me protestat.

“Është mbyllur nata e gjashtë e këtyre netëve të tensionuara në Francë, por duket shumë qartë një zbehje, një ulje e dhunës që nëse do ta krahasojmë me shifrat, 3 netë më parë kishim 900 të arrestuar, 2 netë më parë kishim 700 të arrestuar, ndërsa sipas lajmeve më të fundit që sapo kanë dalë nga Agjencia Franceze e Lajmeve, sot në përfundim të kësaj nate të gjashtë kemi vetëm 76 persona të arrestuar dhe vetëm 3 policë të plagosur. Në fakt ka dhe një ngjarje pak të rëndë. Njoftohet sot vdekja e një zjarrfikësi i cili ishte duke luftuar me flakët në një parkim në qytezën Saint Denis në periferi të Parisit. Analistët nuk e lidhin drejtpërdrejt vdekjen e këtij zjarrfikësi me tensionet sepse ndoshta mund të ketë qenë dhe rastësi rënia e zjarrit në një parkim në këtë qytezë, por kjo vlen për t’u saktësuar në orët në vijim pas hetimeve më të thella,” – u shpreh Kutra në një intervistë për Euronews Albania.

LEXONI GJITHASHTU:

• Macron, mbledhje urgjente të qeverisë për shkak të trazirave në Francë
• Zvicër/ Arrestohen 6 adoleshentë protestave të frymëzuara nga trazirat në Francë