Gazetari nga Fieri për rastet e dhunës: Nuk bien 10 gra nga shkallët brenda muajit

Gazetari i Euronews Albania Mariglen Bita, është shprehur se shumë raste të dhunës ndaj grave nuk denoncohen për arsye të ndryshme.

Komentet Bita i bëri në emisionin “Good Morning Albanians” në Euronews, ku tha se duhet të ketë një person në qendrat shëndetësore ku shkojnë gratë e dhunuara, i cili duhet t’i marrë në pyetje ato lidhur me ngjarjen, pasi sipas tij, vetë ato e kanë të vështirë të rrëfejnë rastin.

“Nuk mund të thuash që 10 gra kanë rënë nga shkallët brenda një muaji”- tha ai në shembullin që mori, lidhur me këto situata. Pra sipas tij shkaku duhet kërkuar te dhuna në familje.

“Në vitin 2023 ka pasur rreth 305 denoncime për dhunë në familje. Risi është edhe një lloj dhune që vjen nga fëmija te prindërit. Sepse si pasojë edhe e emigracionit kemi familje të çuditshme. Sepse nipi përshembull ose mbesa jetojnë me gjyshin ose gjyshen. Ka një rritje të këtij numri si fenomen. Ka pasur raste si denoncime, jo raste publike.

Në institucionet shëndetësore që paraqiten kryesisht gratë të dhunuara fizikisht, pse të mos ishte një person i autorizuar që të pyeste për shkakun. Sepse nuk mund të thuash 10 gra kanë rënë nga shkallët brenda një muaji. Edhe ato mund të mos e denoncojnë rastin për një mijë arsye. Por është edhe baza ekonomike që shkakton këto probleme”, tha Bita.

LEXONI GJITHASHTU:

• Dhuna ndaj grave| Australianët dalin masivisht në protesta, kërkojnë ligje të ashpra
• Andrew Tate dhe vëllai Tristan do të gjykohen në Rumani për përdhunim dhe trafiqe