Gazetari: Një nga vrasësit e 18-vjeçarit, i dënuar më përpara për dhunë

Të tjera detaje kanë dalë lidhur me ngjarjen e rëndë të ndodhur në rrugën “Drenica” në Podujevë të Kosovës, në 14 janar, ku 18-vjeçari Lulzim Fejzullahu u godit me makinë dhe u rrah brutalisht me shufra hekuri nga dy të rinj.

Pas vdekjes së tij dy ditë më parë në QKUK, pasi nuk i mbijetoi dot plagëve të marra, është mësuar se autorët e ngjarjes së rëndë janë Eltion Kadriu 16 vjeç dhe Artiol Abdullahu 17 vjeç.

Sipas mediave të Kosovës, dy adoleshentët janë djem biznesmenësh në Podujevë.

Ndërkohë Muharrem Kafexhiu në një intervistë për emisionin “Good Morning Albanians” në Euronews Albania, tha se 16-vjeçari më parë ka pasur probleme me ligjin, dhe se ka qenë i dënuar me 3 vite burg.

Më pas ai është liruar me kusht që të ndjek një kurs edukimi.

“Raportohet që E.K ka pasur probleme me ligjin edhe në të kaluarën. Ka qenë i lënduar për lëndim të rëndë trupor dhe u lirua më pas me kusht  që të ndjek një kurs edukues. Ndërsa të dyshuarit tjetër A.A, iu publikua një video që shihet duke qëlluar me armë.  16-vjeçari e ka kryer veprënn penale në vitin 2022 ose 2021, u dënua me tre vite”-tha ai.

LEXONI GJITHASHTU: 

• Peter Stano për dialogun: Marrëveshja është e detyrueshme për të dyja palët
• Kundëradmirali amerikan: Irani, drejtpërdrejt i përfshirë në sulmet ndaj anijeve