Gazetari tregon pse rusët sulmuan uzinën ushtarake të Gramshit

Gazetari Lavdërim Lita deklaroi se 2 shtetasit rusë dhe shtetasja ukrainase sulmuan uzinën ushtarake të Gramshit, pasi sipas tij, aty ka armatime të cilat janë dërguar në ndihmë të Ukrainës gjatë luftës.

Në një intervistë për “Euronews Albania”, Lita theksoi se hetimi në lidhje me këtë ngjarje do të kryhet nga një grup që do të zbardhë përse këta shtetas kishin hyrë në vendin tonë.

“Ushtarët shqiptarë janë sulmuar me spary neuroparalizuez. Hetimi do të kryet nga një grup që do të zbardhë që kur këta përsona janë futur në Shqipëri. Pse sulmi në uzinën  e Gramshit? Në uzinë e Gramsjit ka fishekë dhe eksplozive, këto pikërisht kemi ndihmuar Ukrainën”, nënvizoi ai.

Incidenti në Uzinën e Gramshit, ka ndodhur rreth orës 17:40 pasi roja ka vënë re lëvizje të dyshimta rreth objektit, pasi një nga shtetasit rusë ka hyrë brenda territorit dhe ka tentuar të bëjë fotografi.

Të dy efektivët kanë zbatuar rregullat ushtarake me qëllim ndalimin e personit, duke i bërë fillimisht thirrje të ndalojë, por ai është kundërpërgjigjur duke përdoruar spray neoparalizues.

Menjëherë pas njoftimit policia ka bërë shoqërimin e shtetasit rus, M. Z., 24 vjeç.  Shërbimet e Policisë  bënë të mundur që në afërsi të kësaj zone të konstatojnë dhe të bllokojnë automjetin tip “Chevrolet”, me të cilin udhëtonin shtetasja ruse S.T. 33 vjeçe dhe shtetasi ukrainas F. A., 25  vjec.

LEXONI GJITHASHTU

• ‘Rusëve u është sekuestruar dron’, gazetari: Kishin informacione për uzinën
• Si u sulmuan ushtarët në Uzinën e Gramshit, dinamika e ngjarjes
• Kush janë dy ushtarët që u sulmuan nga rusët në Gramsh