Gazetari tregon se kush është i preferuari i Ramës për kreun e SPAK

Drejtori i Informacionit në Ora News, Trashëgim Sokolaj, është shprehur se Edvin Kondili është kandidati i preferuar i mazhorancës për kreun e SPAK.

Në një intervistë për Euronews Albania, ai tha ndër të tjera se i preferuari i SHBA-së për të qenë në krye të kësaj strukture është Altin Dumani.

“Edvin Kondili është kandidati i preferuar i mazhorancës. Në informacionet që unë kam, z. Altin Dumani është një prokuror shumë i vlerësuar nga partnerë amerikanë dhe të huaj. Ka një vlerësim të madh për të edhe në radhët e prokurorëve. Nesër grupet e interesit nuk do arrijnë dot dhe t’i trokasin për t’i kërkuar ato që gjëra që ata kërkojnë”, u shpreh gazetari.

Zgjedhja e kreut të SPAK, pasi Arben Krajës i mbaron mandati, është kthyer temë diskutimi kohët e fundit.

Disa analistë theksojnë se pikërisht kjo çështje është arsyeja e përplasjes së Edi Ramës dhe ambasadores së SHBA Yuri Kim.

LEXONI GJITHASHTU: 

• Cili është i preferuari i SHBA-së për kreun e SPAK? Gazetari zbulon emrin
• Politikanja serbe ndalohet në Merdare: Policia e Serbisë s’më lejon të kaloj kufirin
• “Politika larg garës për SPAK”, Daci: Yuri Kim nuk flet kot, ka informacione