“Politika larg garës për SPAK”, Daci: Yuri Kim nuk flet kot, ka informacione

Juristi Jordan Daci thotë se shqetësimi i ambasadores amerikane Yuri Kim për mundësinë e përfshirjes së politikës në zgjedhjen e kreut të SPAK nuk është i pabazë.

Në një intervistë për Euronews Albania, Daci u shpreh se Shqipëria në 30 vjet nuk ka mundur të krijojë pushtete të pavarura dhe ekzekutivi kontrollon të gjitha pushtetet, përfshirë edhe legjislativin.

“Shqetësimi i Kim është i drejtë pasi nuk kemi mundur të krijojmë pushtete të pavarura. Ekzekutivi kontrollon gjithçka, edhe legjislativin. Ndërhyrja duhet të jetë se s’bën nga pushteti. I besoj se ambasadorja nuk flet kot dhe i ka informacionet të sakta. Procesi duhet të rrijë larg politikës”, tha Daci.

Sipas tij, të tre kandidatët për kreun e SPAK janë të denjë për ta kryer atë detyrë, por është në përgjegjësinë e anëtarëve të KLGJ të mos i nënshtrohen asnjë ndërhyrjeje për të zgjedhur një person me integritet.

LEXONI GJITHASHTU:

• Bledian Koka: Ambasadorja Yuri Kim po ndërhyn te emrat e SPAK-ut
• Artan Hoxha: Amerika e mori me dhunë Botërorin, do e marrë edhe SPAK!