Gazetari Eni Ferhati tha se qëndrimi i dy ditëve më parë i kryeministrit Edi Rama rreth Ervis Martinajt është i ndryshëm nga ai i para 9 ditëve kur prezantoi drejtuesit e rinj të policisë.

Në emisionin Now në Euronews Albania, Ferhati u shpreh se ka gjasa që përgjigjja të jetë ajo që qarkullon në mënyrë jo zyrtare, për variantin e rrëmbimit me pasojë eliminimit fizik të këtij personi.

Sipas tij, fakti që personi i fundit që e ka shoqëruar Martiajn, agjenti Jeton Lami del nesër për  masën e sigurisë, mund të nxjerrë në dritë informacione të reja nëse ai pranon të bëhet bashkëpunëtor i drejtësisë për ta zbardhur këtë çështje.

“Se si do gjendet këto prova duke pasur parasysh edhe rolin e agjentit Lami që pritet të dalë nesër për masë sigurie. Ky është personi kyç dhe nesër mund të na bëhen me dije fakte te tjera që ai ka pranuar të bashkëpunojë me drejtësinë”, tha gazetari.

LEXONI GJITHASHTU:

• A fshihet Vis Martinaj në Vlorë? Detaje nga aksioni i FNSH  
• Nga Rrumbullaku te Martinaj, Rama përgjigjet për Euronews Albania| 5 zhvillime