Gazetari zbulon partitë politike shqiptare që kanë më shumë dosje lobimi në SHBA

Gazetari i Euronews Albania, Ardit Hoxha thotë se gjatë 32 viteve të demorkacisë, ka pasur 39 dosje lobimi në SHBA, nga politikanë dhe parti shqiptare.

Në emisionin “Review” në Euronews Albania, Hoxha u shpreh se i pari që loboi në SHBA, ishte zv.kryeministri, Adyl Xhaja.

Sipas tij, Partia Demokratike ka 15 dosje lobimi, teksa dosje kanë edhe Partia Socialiste dhe Partia e Lirisë.

“Historia e shqiptarëve që lobojnë në Shtetet e Bashkuara të Amerikës është e vjetër sa  demokraciashqiptare e këtyre 32 viteve, duke përjashtuar periudhën para Luftës së Dytë Botërore. I pari që rezulton në dosjet e departamentit të drejtësisë, që ka lobuar për shtetin shqiptar në SHBA, është zv.kryeministri i periudhës së qeverisjes së parë demokratike, zoti Abdyl Xhaja, i cili ka lobuar në vitin 1992, është kontrata e parë e lobingut. Është zyrtare, janë kontrata lobingu që figurojnë në departamentin amerikan të drejtësisë dhe nuk flasim për asgjë të paligjshme.

Zoti Xhaja ka bërë lobingun që kompanitë amerikane të rrisnin ndikimin e tyre për industrinë e tapeteve. Ka lobuar që në Shqipëri, në vitin 1992 të modernizohej apo të përparohej ajo industri që e kishim. Janë në total 39 dosje lobingu, parti, por edhe individë të veçantë, politikanë shqiptarë kanë bërë lobing. Kontratat më të mëdha të lobingut i takojnë të djathtëve, janë 15 kontrata lobingu të bërë nga drejtues të PD, vetë PD, por edhe funksionarë që mund të ketë pasur PD. Më pak ka bërë pjesa e majtë, Partia Socialiste. Në 39 dosjet, spikat që edhe LSI, tanimë Partia e Lirisë ka pasur një shtim të kontratave të lobingut, sidomos në periudhën 2012-2019”, theksoi ai.

LEXONI GJITHASHTU

• Çështja McGonigal, studiuesi: Pse nuk ka asnjë shans që dosja të vijë në SPAK
• A mund të ketë hetim për Ramën? Rroji: Kryeministri nuk mban përgjegjësi në detyrë
• Gazetari amerikan: E dashura e McGonigal i dërgoi e-mail FBI, kërkoi hetimin e tij