Gazetarja: Cilët shqiptarë mund të drejtojnë qeverinë e Maqedonisë së Veriut

Në janar do të kemi një kryeministër shqiptar në Maqedoninë e Veriut, bazuar dhe në marrëveshjen e arritur më herët mes koalicionit qeverisës.

Korrespondentja e Euronews Albania, Ferikan Iljazi tha se po kalkulohet shumë për emrin që do të mbajë këtë post të rëndësishëm dhe kryesisht flitet për persona që mbajnë poste kyçe në Bashkimin Demokratik për Integrim, që është partia me numrin më të madh edhe të deputetëve, por dhe me fuqi politike aktualisht në RMV.

“Nuk flitet ende për një emër zyrtarisht sepse ka ende kohë, por besoj se deri më 28 janar do të vazhdojnë dilemat se kush do të jetë kryeministri i parë shqiptar në Maqedoninë e Veriut sepse po bëhen kalkulime të ndryshme në varësi të peshës apo pozicionit që e ka personi në fjalë, mirëpo sigurisht që BDI-ja do të nominojë dikë që është me bagazh politik, me bagazh në institucione dhe besoj do ta kuptojmë pas disa ditëve. Në këtë moment, duke qenë se bëhet fjalë për më shumë emra, nuk do të doja që të përmend ndonjë që thjesht do të mbetet në bazë spekulimi,” – u shpreh Iljazi.

LEXONI GJITHASHTU:

• Zbulohet si u vra 14-vjeçarja që në RMV, Spasovski: U qëllua me plumb, gjetëm 2 armë
• Arrestohet Ljupço Pallço, akuzohet për vrasjen e 14-vjeçares dhe të moshuarit në RMV