Gazetarja Lama: Takimi Kurti-Vuçiç sot me një kompromis të vogël

Gazetarja Alma Lama tha në një intervistë për Euronews Albania se takimi mes kryeministrit të Kosovës, Albin Kurti dhe presidentit serb Aleksandër Vuçiç u bë sot me një kompromis të vogël.

“Kam menduar që do të ketë ndonjë kompromis të vogël nga ky takim pasi situata është delikate, të gjithë janë të shqetësuar për tensionet që mund të krijohen në veri të Kosovës në rast se fillon zbatimi i qeverisë së Kosovës për vendosjen e gjobave ndaj qytetarëve serb që mund të reagojnë në mënyra të ndryshme,” – u shpreh Lama.

Presidenti i Serbisë, Aleksandar Vuçiç, tha se në bisedimet me kryeministrin e Kosovës, Albin Kurti, për çështjen e targave nuk është arritur asnjë marrëveshje.

“Për arsye të paqarta, nuk kemi arritur absolutisht asnjë marrëveshje”, tha Vuçiç pas bisedimeve disaorëshe, të hënën në Bruksel.

“Nuk mendoj se ka ndodhur ndonjë tragjedi, por, natyrisht, nuk do të jetë një periudhë e lehtë”, tha Vuçiç, duke shtuar se Serbia “do t’i qëndrojë pranë popullit serb” në Kosovë. Ai paralajmëroi se këtë javë do t’i drejtohet publikut serb.

Takimi u mbajt me ftesë të kryediplomatit evropian, Josep Borrell, ndërsa nisi rreth orës 10:00.

LEXONI GJITHASHTU:

• Kurti: Propozimi i BE-së për targat, i papranueshëm
• Borrell: Kurti dhe Vuçiç u pajtuan për një zgjidhje sot