Gazetarja paralajmëron “luftë” brenda PD: Do të ketë krizë

Fatjona Mejdini, koordinatore e Nismës Globale kundër Krimit të Organizuar Trans-Kombëtar thotë se kreu u Partisë Demokratike, Luzlim Basha ka vepruar si lider në përjashtimin e Sali Berishës nga grupi i PD.

Sipas saj, z. Basha ka vepruar taktikisht duke mos dhënë asnjë shenjë për një vendim të tillë dhe gjatë kësaj kohe ka zhvilluar zgjedhjet brenda partisë duke emëruar persona të besuar të tij.

Me këtë sjellje, znj. Mejdini tha se Basha po tregon se është një lider. Por ajo paralajmëron se pas përjashtimi të Berishës do të ketë “luftë” brenda PD.

“Tani nis një luftë me një pjesë të PD që konsiderohen miq të Berishës. Do të ketë krizë në PD, por krizat sjellin dhe mundësi”, deklaroi ajo.