Liudmila Makej, është gazetarja e parë ukrainase që ka mbërritur në Kosovë, si pjesë e programit qeveritar për strehimin e gazetarëve të rrezikuar nga Ukraina.
Derisa tregon se ndihet mirë nga mikpritja që gjeti në Prishtinë, Liudmila, po ashtu nuk e harron kurrë tmerrin që kaluan që nga dita e parë që nisi lufta.
“E kujtoj mirë 24 shkurtin dhe mund ta përshkruaj çdo minute të asaj dite. Një natë më herët isha në një koncert të filharmonisë dhe u kënaqa me muzikën, por në mëngjes u zgjova nga zhurmat e aeroplanëve që kalonin afër ditareve të banesave tona. Lufta kishte nisur, bombardime kishte gjithandej. Në Kiev ndodhej vajza ime. Kontakti me të ishte i pamundur fillimisht, qytet ishte i bllokuar. Fillimisht as nuk e besonim se çfarë po ndodh, dukej si një ëndërr e keqe”, tha Liudmila.
Ajo ndihet falënderuese për mundësinë, pasi shton se situata e gazetarëve në Ukrainë është e rëndë.
“Më besoni se jo të gjithë koleget i mi e kanë këtë mundësi si unë, sidomos ata që janë në zonat e pushtuara. Rusia qellim ka vrasjen e gazetareve. Këtë e dëshmon edhe rasti i kolegut tim MaksLevin i cili ishte zhdukur në mars. 2 javë nuk është ditur gjë për të derisa nuk është thyer rrethimi i Kievit dhe është gjetur trupi i tij i pajetëme dy plagë. Po ashtu që nga fillimi i luftës më shumë se 21 gazetarë, jo vetëm nga Ukraina por edhe nga vendet e tjera kanë vdekur nga dora e ushtarëve rusë. Më shumëse 25 kolegë të mi janë zhdukur në Mariopol dhe nuk dihet asgjë për fatin e tyre. Të jesh gazetar në Ukrainë është bërë shumë e rrezikshme tani. Putini nuk ka interes të dihet e vërteta, derisa të afërmit e mi në Rusi ende e shohin gjithë këtë si operacion special, sepse kështu i kanë njoftuar mediat e tyre”, tha ajo.
Kryetari i Asociacionit të Gazetarëve të Kosovës, Xhemajl Rexha, thotë se janë të përkushtuar në programin për strehimin e gazetarëve.
Në Kosovë pritet që të strehohen 20 gazetarë, megjithatë nuk përjashtohen gjasat që programi të zgjerohet.
