Gega: Synoj për herë të dytë titullin “Kampione Mesdheu” në Lojërat Olimpike

Atletja, Luiza Gega tha se është shumë e lumtur që mundur t’i sjellë Shqipërisë dy medalje ari.

Gega u shpreh për emisionin “Mirëmëngjes” se rezultatet kanë qenë të mira dhe është optimiste për objektivat e së ardhmes sidomos në Lojërat Mesdhetare, ku synon për herë të dytë titullin si “Kampione Mesdheu”.

Ajo theksoi se për momentin është rezultati më i i mirë në Europë e cila do synojë zonën e medaljeve edhe në Kampionatin Europian të këtij viti, i cili do zhvillohet në Gjermani.

Këtë verë, atletja ka zgjedhur të ushtrojë sportin e saj për dy muaj në Dardhë të Korçës për shkak se temperaturat janë më optimale përsa i përket stërvitjes dhe i duhet të qëndrojë në lartësinë mbi nivelin e detit.

Luiza nënvizoi se gëzon shëndet të plotë dhe nuk do të jetë aspak problem për të pjesëmarrja në garat atletike.

Gjithashtu, deklaroi se ka një mbështetje të madhe nga Komiteti Olimpik me ardhjen e Presidentit të ri, po ashtu edhe një shpërblim nga Ministria nëse del i pari në Ballkan.

LEXONI GJITHASHTU

• Interi arrin marrëveshjen për blerjen e mesfushorit shqiptar Kristjan Asllani
• Duka i kërkon qeverisë që të rikthejë bastet sportive në Shqipëri