“Gërdeci”, Zamira Durda kërkon të jetë palë në procesin ndaj Fatmir Mediut

Nëpërmjet avokatit të saj mbrojtës Zamira Durda ka depozituar një tjetër kërkesë për të qenë palë në procesin ndaj Fatmir Mediut, për çështjen “Gërdeci”.

Seanca pritet të mbahet këtë të martë në Gjykatën e Posaçme kundër Korrupsionit dhe Krimit të Organizuar në orën 14:00

SPAK ka dërguar për gjykim ish ministrin e Mbrojtjes, Fatmir Mediu, i cili akuzohet se në lidhje me procesin e çmilitarizimit dhe çmontimit të municioneve që është zhvilluar në ambientet e ish “Brigatës së Tankeve”, në fshatin Gërdec, në bashkëpunim me funksionarë të tjerë të Ministrisë së Mbrojtjes si dhe persona që kanë pasur cilësinë e ushtarakut kuadër komandues, ka nxjerrë disa akte nënligjore në kundërshtim me ligjin.

Sipas SPAK, Mediu ka dëmtuar interesat e shtetit dhe ka favorizuar 2 kompanitë, ‘SAC’ dhe ‘Albademil’. Për këtë çështje ai akuzohet për “shpërdorim detyre” referuar Kodit Penal dhe “Shpërdorim i detyrës” në bashkëpunim me subjekt ushtarak-kuadër komandues.

LEXONI GJITHASHTU:

• Gërdeci| Shtyhet seanca ndaj Mediut, Zamira Durda: Dua drejtësi për fëmijën tim
• Dosja ‘Gërdeci’, sot seanca paraprake për Mediun, e pranishme dhe familja Durda