Kryeministri Edi Rama ishte i pranishëm në konferencën e prezantimit të Giro d’Italia Grande Partenza” që do të mbahet në muajin maj 2025 në Shqipëri.
Kryeministri prezantoi ngjarjen sportive me biçikleta që do të mbahet tre ditë në vendin tonë vitin që vjen.
Në konferencë të pranishëm ishin edhe Paolo Bellino, RCS Sport CEO dhe Ogerta Manastirliu, Ministre e Arsimit dhe Sportit.
“Jam i lumtur që kemi mundur shumë të tjerë që janë më të mëdhenj e sigurisht më të pasur. Jam shqiptari më i përshtatshëm për të prezantuar këtë ngjarje sepse i vetmi mjet që di ti jap është biçikleta dhe nuk është shaka. Nuk di ti jap makinës, helikopterit, të pilotoj avioni. Di vetëm ti jap biçikletës. Jam vërtet i lumtur se për 3 ditë do kemi kaq shumë kampionë që do jenë miq në vendin tonë e për të cilët do flitet nga bota por edhe për Shqipërinë.
Në këtë Ligë ka konkurrencë të pabesueshme sepse konkurrojmë me vende që janë të hapura prej shekujsh kurse ne kemi vetëm 30 vjet e pak me tepër që jemi hapur. Gjithmonë thoja se Shqipëria është një Itali e vogël, tani vërtet jemi një Itali në anën tjetër të vendit që mirëpret një ngjarje jo vetëm sportive”, ka thënë kryeministri Edi Rama.
LEXONI GJITHASHTU:
- Rama i përgjigjet Tik Tok-ut: Nuk keni se çfarë sqarimesh kërkoni nga Shqipëria
- “Run as One”/ One Albania mbështet eventin më të madh sportiv në kryeqytet
