Deputeti i Partisë Demokratike, Agron Gjekmarkaj u ka dhënë një këshillë kolegëve të tij, në lidhje me raportet me Shtetet e Bashkuara të Amerikës dhe ambasadoren amerikane, Yuri Kim.

Në emisionin “Now” në Euronews Albania, Gjekmarkaj tha se kur është mundësia për të heshtur në raport me Amerikën dhe ambasadoren e saj, ata duhet të heshtin në vend që ta shajnë.

“Unë e respektoj ambasadoren e Shteteve të Bashkuara të Amerikës. Nuk bashkëndaj qëndrime të kolegëve të mi, sepse për të, janë qëndrime në rastin më të mirë, folklorike. Ajo është përfaqësuese e Presidentit Biden dhe meriton të gjithë respektin që posti i saj ka.

Pavarësisht, na kanë pëlqyer vendimet e SHBA-së ndaj PD-së, Shtetet e Bashkuara janë një aleat i padiskutueshëm për Partinë Demokratike. Një këshillë do iua jepja kolegëve të mi, që të kur është mundësia për të heshtur në raport me Amerikën dhe ambasadoren e saj, të heshtin në vend që ta shajnë”, theksoi ai.

LEXONI GJITHASHTU

• Gjekmarkaj kritika Bashës: Kthehu bëj detyrën e deputetit, gabimi i fundit

• Gjekmarkaj: Pse kam refuzuar të pi kafe me Jozefina Topallin
• “Ke kaluar limitin”, Gjekmarkaj mesazh Berishës