Gjenden dhe asgjësohen 685 fidanë kanabis në Krujë, shpallet në kërkim një 53-vjeçar

685 fidanë dhe bimë të dyshuara narkotike cannabis sativa janë zbuluar nga policia në vijim të operacionit “Territor i pastër”. policia ka shpallur në kërkim A. D., 53 vjeç, banues në fshatin Zezë, autor i dyshuar i 250 fidanëve cannabis sativa që u gjetën të kultivuar në afërsi të banesës së tij.

“Si rezultat i kontrolleve, gjatë fazës së tetë të megaoperacionit policor antikanabis të koduar “Territor i pastër”, u gjetën të kultivuar 685 fidanë dhe bimë të dyshuara narkotike cannabis sativa. Fidanët dhe bimët e dyshuara narkotike u asgjësuan me anë të djegies, ndërsa një pjesë e vogël e tyre u sekuestrua në cilësinë e provës materiale.

Strukturat e Komisariatit të Policisë Krujë kanë identifikuar dhe kanë shpallur në kërkim shtetasin A. D., 53 vjeç, banues në fshatin Zezë, autor i dyshuar i 250 fidanëve cannabis sativa që u gjetën të kultivuar në afërsi të banesës së tij.

Në bashkëpunim me Prokurorinë, vijojnë veprimet hetimore për identifikimin dhe kapjen e autorit/ëve të tjerë të kësaj  veprimtarie kriminale.

Megaoperacioni policor antikanabis i koduar “Territor i pastër”, vijon.

Materialet procedurale i kaluan Prokurorisë për veprime të mëtejshme, për veprën penale “Kultivimi i bimëve narkotike”,-thuhet në njoftimin e policisë.

LEXONI GJITHASHTU:

• Fshehu nënën e vdekur që t’i merrte pensionin, 60-vjeçari akuzohet për mashtrim
• Mbahet sot gara ndërkombëtare “Tiranathlon”, si ndryshon qarkullimi i mjeteve