Gjendet arma me të cilën fqinji plagosi burrë dhe grua në Gosë, arrestohet autori

Një ngjarje e rëndë ndodhi paraditen e kësaj të premte në fshatin Gosë, ku burrë dhe grua mbetën të plagosur nga fqinji i tyre.

Sipas policisë, konflikti ndodhi për motive të dobëta, ndërsa në një njoftim të pasdites thuhet se efektivët kanë gjetur armën e krimit dhe kanë arrestuar autorin e ngjarjes, 56-vjeçarin Sh.O.

Arma u gjet e fshehur në një mur dhe u sekuestrua në cilësinë e provës materiale pistoleta, me të cilën dyshohet se autori ka plagosur shtetasit Sami dhe Nadire Disha.

Njoftimi i plotë

“Në vijim të veprimeve për dokumentimin ligjor të ngjarjes së ndodhur në fshatin Gos, shërbimet e Policisë gjetën të fshehur në një mur dhe sekuestruan në cilësinë e provës materiale armën e zjarrit tip pistoletë, me të cilën dyshohet se autori ka plagosur shtetasit S.D, dhe N.D.

Po në vijim të veprimeve specialistët për Hetimin e Krimeve të Rënda të DVP Durrës, arrestuan në flagrancë shtetsin Sh. O., 56 vjeç, pasi ky shtetas dyshohet se plagosi me armë zjarri dy komshinjtë e tij gjatë një konflikti për motive të dobëta.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Durrës, për veprime të mëtejshme”, thuhet në njoftimin e policisë.

LEXONI GJITHASHTU:

• Plagosje me armë zjarri në Gosë të Rrogozhinës, qëllohen burrë e grua
• Zjarr në një banesë pranë qendrës historike të Vlorës