Gjendet i pajetë një 18-vjeçar në Shkodër, dyshohet se e ka marrë rrjedha e lumit

Trupi i një djali 18-vjeçar është gjetur i pajetë anës lumit Buna në fshatin Obot në Shkodër.

Sipas informacioneve i riu dyshohet se është futur në lumë për tu larë, por rrjedha e lumit duket se e ka marrë me vete, e për pasojë ai ka humbur jetën.

Grupi hetimor, në drejtimin e prokurorit, vijon punën për zbardhjen e plotë të rrethanave të rastit.

Njoftimi i policisë:

Rreth orës 14:30, në fshatin Obot, është futur për t’u larë në lumin Buna, shtetasi R. D., 18 vjeç, të cilin dyshohet se e ka marrë rrjedha e lumit dhe si pasojë është mbytur.

Me marrjen e njoftimit, shërbimet e Policisë kanë shkuar menjëherë në vendngjarje dhe në bashkëpunim me banorët e zonës kanë kërkuar përgjatë rrjedhës së lumit, ku kanë gjetur trupit e pajetë të 18-vjeçarit.

LEXONI GJITHASHTU:

• Atentati me armë zjarri në “Don Bosko”, si paraqitet gjendja e të plagosurve
• Detaje nga plagosja në Don Bosko: Një makinë gjendet e djegur, kush ishte shënjestra