Gjendet i pajetë poshtë pallatit 65-vjeçari në Pogradec

Një 65 vjeçar është gjetur i pajetë poshtë një pallati në zonën e quajtur Kavalishenca në qytetin e Pogradecit.

Sipas informacioneve paraprake, bëhet me dije se 65 vjeçari nuk ka shenja dhune në trup. Njihet si konsumator i alkoolit dhe dyshohet se i dehur dhe në temperatura të ulëta, ka pësuar infarkt. Viktima u dërgua në morgun e spitalit të Pogradecit për kqyrje.

“Pasditen e sotme, tek vendi i quajtur “Kovalishenca”, në Pogradec, është gjetur pa shenja jete dhe pa shenja dhune shtetasi M. B., 65 vjeç. Nga të dhënat e para dyshohet se ky shtetas ka humbur jetën për shkaqe natyrale”-njofton policia.

Grupi hetimor po punon për përcaktimin e shkaqeve të vdekjes dhe zbardhjen e rrethanave të ngjarjes.

LEXONI GJITHASHTU: 

• Bombardohet stacioni hekurudhor në Ukrainë, viktima e të plagosur
• Kadilli dhe Shabani kritika për procesin ndaj Berishës: Gjykata po e toleron