Gjendet makina e autorëve të masakrës në Memaliaj, brenda saj edhe armët e përdorura

Efektivët e policisë dhe grupi hetimor po identifikojnë një automjet të djegur, të gjetur në fshatin Bejaj, i cili dyshohet të jetë përdorur për atentatin në Memaliaj.

Sipas dyshimeve të ekspertëve, mendohet të jetë një automjet i tipit luksoz, BMW X5.

Në automjetin e djegur nga autorët janë gjetur edhe disa armë të tipit automatik,numri i të cilave nuk është përcaktuar ende, të cilat dyshohet të jenë përdorur në atentatin në Memaliaj, ku mbetën të vrarë tre shtetas dhe një tjetër u plagos.

Ekspertët kriminalistik po kryejnë hetime të mëtejshme për atë çfarë është mundur të evidentohet nga ngjarja.

Nga ana tjetër janë angazhuar tre drejtori të policisë, nga qyteti i Vlorës, Beratit dhe Gjirokastrës, të cilët po krehin zonën ku ndodhi atentati, por edhe qytetet përreth.

Vijon…

LEXONI GJITHASHTU:

• Atentati në Memaliaj|Kush është Adriatik Kalemi, hasmëria pas vrasjes së Sadikaj
• “Jemi të tronditur”- Flasin banorët e Memaliaj pak orë pas atentatit me 3 viktima