Gjendet një person i mbytur në ujrat e lumit Shkumbin, policia del me njoftim zyrtar

Një person është gjetur i mbytur mesditën e kësaj të hëne në ujërat e lumit Shkumbin.

Sipas informacioneve nga policia, pas një sinjalizimi se në lumin Shkumbin ishte parë një trup i pajetë, efektivët e policisë dhe zjarrfikësit kanë shkuar menjëherë në vendngjarje. Ata kanë arritur të nxjerrin nga uji trupin e një burri të moshuar, i cili fatkeqësisht kishte ndërruar jetë.

Personi i mbytur nuk është identifikuar ende, ndërsa nga këqyrja paraprake e trupit dyshohet se ai ka humbur jetën disa ditë më parë.

Trupi i pajetë është dërguar në morgun e Spitalit të Elbasanit, ku do t’i nënshtrohet ekspertizës mjeko-ligjore për të përcaktuar shkakun e saktë të vdekjes dhe për të ndihmuar në identifikimin e viktimës.

Njoftimi i plotë i policisë

“Rreth orës 14:30, Policia ka marrë njoftim se në lumin Shkumbin, ishte konstatuar i mbytur një shtetas i moshuar.

Shërbimet e Policisë dhe të zjarrfikëses kanë shkuar menjëherë në vendin e ngjarjes dhe kanë nxjerrë nga uji trupin e pajetë, ende i paidentifikuar.

Nga këqyrja paraprake e trupit të ketij shtetasi dyshohet se ai ka humbur jetën disa ditë më parë.

Trupi i pajetë është dërguar në morgun e spitalit të Elbasanit, për ekspertizë.

Grupi hetimor po punon për identifikimin e shtetasit të pajetë, përcaktimin e shkakut të humbjes së jetës dhe dokumentimin ligjor të rastit.”, thuhet në njoftimin e policisë..

LEXONI GJITHASHTU:

• I morën me dhunë celularin 31-vjeçarit në Elbasan, një i arrestuar dhe një në kërkim
• Dalin parregullësi nga rinumërimi i votave në Elbasan, 15 fletë pa vulën e dytë