Gjenerali rus: Situata në Ukrainë është e tensionuar

Komandanti i ri i forcave ruse në Ukrainë, Sergei Surovikin deklaroi se forcat e tij po përballen me vështirësi në terren.

“Situata në zonën e ‘operacionit të posaçëm ushtarak’ mund të përshkruhet si e tensionuar”, tha Surovikin për televizionin shtetëror rus, Rossiya 24, gjatë një interviste më 18 tetor, shkruan Reuters.

“Armiku vazhdimisht përpiqet të sulmojë pozicionet e forcave ruse”, tha ai. “Para së gjithash, bëhet fjalë për sektorët në Kupiansk, Liman dhe Mikolajiv-Krivij”, shtoi ai.

Surovikin theksoi ushtria ruse po përgatitet që të evakuojë civilët nga qyteti jugor ukrainas i Hersonit, që është pushtuar nga Moska dhe gjendet në një prej katër rajoneve që Rusia paligjshëm aneksoi tri javë më parë.

Më 8 tetor, Ministria e Mbrojtjes së Rusisë e emëroi Surovikinin si komandant të përgjithshëm të forcave të Kremlinit që marrin pjesë në luftën në Ukrainë.

Kjo është hera e parë që Rusia emëron një komandant të vetëm për të gjitha forcat ruse që luftojnë në Ukrainë, qëkur Moska nisi pushtimin e Ukrainës më 24 shkurt.

LEXONI GJITHASHTU

• Lufta në Ukrainë, ushtria ruse gati të largohet nga qyteti i Khersonit
• Lavrov: Rusia mund të zvogëlojë prezencën diplomatike në Perëndim
• Ky shtet paralajmëron ndryshim të regjimit të vizave për rusët